| புதுடில்லி : இந்த நிதியாண்டின் முதல் காலாண்டில் , விற்பனையில் சாதனை அளவை எட்டியும், நிகர லாபம் 2 சதவீதம் சரிந்துள்ளதாக ஹீரோ ஹோண்டா நிறுவனம் தெரிவித்துள்ளது. இதுகுறித்து, ஹீரோ ஹோண்டா நிறுவனம் வெளியிட்டுள்ள செய்திக்குறிப்பில் தெரிவித்துள்ளதாவது : ஜூன் மாதம் 30ம் தேதியுடன் முடிவடைந்த இந்த நிதியாண்டின், முதல் காலாண்டில் 1.2 மில்லியன் வாகனங்களை விற்பனை செய்து, ஹீரோ ஹோண்டா நிறுவனம் சாதனை படைத்துள்ளதாகவும், அவ்வாறு இருந்தபோதிலும், நிகர லாபம் 2 சதவீதம் சரிந்துள்ளதாகவும், இதற்கு உற்பத்தி பொருட்களின் விலை அதிகரிப்பே காரணம் என்று தெரிவித்துள்ளது. ஜூன் 30ம் தேதியுடன் முடிவடைந்த முதல் காலாண்டில், ரூ. 4,264,61கோடி எனும் அளவிற்கு விற்பனை நடைபெற்றதாகவும், கடந்த நிதியாண்டின், இதே காலகட்டத்தில் ரூ. 3,811,05 கோடி அளவிற்கு மட்டுமே விற்பனை நடைபெற்றதாகவும், சதவீதத்தின் அடிப்படையில் இது 12 சதவீதம் அதிகம் எனவும், ஆனால் ஜூன் 30ம் தேதியுடன் முடிவடைந்த முதல் காலாண்டில், ரூ. 491,694 கோடி நிகர லாபம் ஈட்டியுள்ளதாகவும், கடந்த நிதியாண்டின், இதே காலகட்டத்தில் ரூ. 500.11 கோடி அளவிற்கு நிகர லாபம் ஈட்டியதாகவும், சதவீதத்தின் அடிப்படையில் இது 2 சதவீதம் குறைவு எனவும் அதில் தெரிவி்க்கப்பட்டுள்ளது. |
